Ռուսաստանի և Հյուսիսային Կորեայի առաջնորդներ Վլադիմիր Պուտինն ու Կիմ Չեն Ընը Փհենյանում առանձնա​​զրույց են ունեցել, հայտարարել է ՌԴ նախագահի օգնական Յուրի Ուշակովը։

Ուշակովի խոսքով՝ այս ձևաչափում «պետությունների ղեկավարները հնարավորություն ունեն քննարկելու ամենակարևոր և զգայուն հարցերը»։

Ինչպես հաղորդվում է, Պուտինը հայտարարել է, որ «Ռուսաստանը, որը պայքարում է տասնամյակներով պարտադրված ԱՄՆ-ի իմպերիալիստական ​​քաղաքականության դեմ, գնահատում է Հյուսիսային Կորեայի աջակցությունը ռուսական քաղաքականությանը, այդ թվում՝ ուկրաինական ուղղությամբ», և որ Ռուսաստանի Դաշնության ու Հյուսիսային Կորեայի փոխգործակցությունը «հիմնված է իրավահավասարության և փոխադարձ հարգանքի վրա»:

Կիմ Չեն Ընն իր հերթին ընդգծել է, որ Մոսկվայի և Փհենյանի հարաբերությունները «թևակոխում են նոր բարգավաճման շրջան»։ Հյուսիսային Կորեայի առաջնորդը նաև նշել է «Ռուսաստանի Դաշնության կարևոր առաքելությունն ու դերը աշխարհում ռազմավարական հավասարակշռության պահպանման գործում» և հայտնել է «լիարժեք աջակցություն Ուկրաինայում հատուկ գործողության անցկացմանը»։